LG வழங்கும் 3 சிம் மொபைல்போன்

              உலகெங்கும் தினந்தோறும் புதிய புதிய மொபைல் போன்கள் தயாராகி கொண்டே உள்ளன. பற்பல வசதிகளும் கூடி கொண்டே போகின்றன. நாம் பயன்படுத்தும் மொபைல்கள் எல்லா விதத்திலும் சவுகரியத்தினை கொடுக்க வேண்டும் என்ற எதிர்பார்ப்பு நமக்கும் அதிகமாகிவிட்டது. இதற்கு தகுந்தாற்போல் 3 சிம் கார்டுகள் பொருத்திக்கொள்ளும் வசதியை கொடுக்க இருக்கிறது எல்ஜி (LG Mobile ) நிறுவனம் .

ஏ-290 ( LG A290 )என்ற மொபைலை அறிமும் செய்துள்ளது எல்ஜி நிறுவனம். இது 3 சிம் கார்டு வசதி கொண்ட மொபைல். இதனால் ஒரே நேரத்தில் மூன்று நெட்வொர்க் வசதிக்கு சப்போர்ட் செய்யும்.

மூன்று செல்போன் வைத்து அவதி படுபவர்களுக்கு இந்த எல்ஜி ஏ-290 மொபைல் வசதியாக இருக்கும். அலுமினியம் பேனல் கொண்டு இந்த மொபைல் வடிவமைக்கப்பட்டுள்ளது. மேலும் இந்த மொபைலின் பின் புறத்தில் 1.3 மெகா பிக்ஸ்ல் கேமரா பொருத்தப்பட்டுள்ளது. இதன் தொழில் நுட்ப வசதிகள் பற்றிய தகவல்கள் அதிகம் வெளியாகவில்லை. இந்த மொபைல் வரும் ஏப்ரல் மாதம் இந்தியாவில் வெளியாக உள்ளது.

இந்தியாவில் அதிக வாடிக்கையாளர்களை பெற்று இருக்கும் நோக்கியா நிறுவனம் இப்போது தான் இரண்டு சிம் கார்டு வசதிகள் கொண்ட போன்களை அறிரிமுகம் செய்து வருகிறது. இந்த புதிய எல்ஜி ஏ-290 மொபைல் இந்தியாவில் வெளியானால், டியூவல் சிம் வசதி கொண்ட நோக்கியா மொபைல்களுக்கு கடுமையான போட்டியை ஏற்படுத்தும். அவர்களுக்குள் போட்டி இருந்தாலும் நம்மை போன்றவர்களுக்கு அது பயன் தான். அப்போது தான் குறைந்த விலையில் அதிக வசதிகள் கொண்ட செல்போன் நமக்கு கிடைக்கும்.

No comments: