செல்போன் பாதுகாப்பிற்கு எளிய வழிமுறைகள்

நண்பர்களே வணக்கம்,
 
உலகெங்கும் செல்போன் பயன்பாடு நாளுக்கு நாள் அதிகரித்து வருகிறது. நம்முடைய தகுதிக்கும்,வசதிக்கும் ஏற்ற செல்போன்களை வாங்கி பயன்படுத்தி வருகிறோம். நம்முடைய மொபைல் குறைந்த விலை மொபைல்போன், காஸ்ட்லியான மொபைல்போன் எதுவாயினும், அதை பராமரிக்கும் முறைகளிலேயே அதன் ஆயுட்காலம் இருக்கிறது.
 
 
 
சரியான பராமரிப்பு இல்லாத மொபைல்போன்கள் அதன் மதிப்பை வெகுசீக்கிரத்திலேயே இழந்துவிடும். சில எளிய முறைகளை கையாண்டால், உங்கள் மொபைல்போனின் மெருகு குலையாமல் நீண்ட காலம் பயன்படுத்த முடியும். உங்களுக்காக சில எளிய வழிமுறைகள்…
 
தட்பவெப்பம்:
மொபைல்போன்கள் தட்பவெப்பத்தால் அதிகம் பாதிக்கப்படும் அபாயம் இருக்கிறது. அதிக குளிர்ச்சியான மற்றும் அதிக வெப்பமான இடங்களில் மொபைல்போனை தொடர்ந்து வைத்திருக்க வேண்டாம். தவிர, மழைச்சாரல் அடிக்கும் ஜன்னல் ஓரங்களிலும் வைக்க வேண்டாம். இதனால், போனின் ஹார்டுவேர்கள் எளிதாக பாதிக்கும் அபாயம் உள்ளது.
சார்ஜ் செய்யும்போது கவனம்:
செல்போன்களை இரவு முழுவதும் சார்ஜ் போட்டு வைக்க வேண்டாம், அதிக பட்சம் ஆறு மணி நேரம் இருந்தால் போதும். பேட்டரியில் சார்ஜ் முழுவதும் தீர்ந்தபின் மீண்டும் சார்ஜ் செய்யுங்கள். அடிக்கடி சார்ஜ் செய்வதால் உங்கள் பேட்டரியின் ஆயுள் சீக்கிரத்தில் போய்விடும். மேலும், சிறிது காலத்தில் பேட்டரி தனது சேமிப்பு திறனை கொஞ்சம் கொஞ்சமாக இழந்துவிடும்.போன் சார்ஜில் இருக்கும்போது போனில் பேசுவதை தவிர்த்துக்கொள்ளுங்கள். மின் இணைப்பை துண்டித்துவிட்டு அதன்பின் பேசுவது பாதுகாப்பானது.

போன் கவர்:
உராய்வுகளால் போனின் டிஸ்பிளே மற்றும் இதர முனைகள் பாதிக்கப்படும். பிளாஸ்டிக் மற்றும் லெதர் உறைகளில் போனை பாதுகாப்பாக வைத்திருக்க பழகுங்கள். மொபைல் போன் முழுவதும் கவர் செய்து லேமினசன் செய்ய வேண்டாம்.

பாதுகாப்பு:
குழந்தைகளுக்கு எட்டாத உயரத்தில் போனை வைக்க பழகிக்கொள்ளுங்கள். போனின் கீபேடு லாக்கை ஆக்டிவேட் செய்து வைத்துக்கொள்வது சிறந்த வழி. மேலும், தினமும் போனை மெல்லிய துணியால் சுத்தம் செய்யுங்கள்.

மெமரி கார்டு:
GB குறைவான மெமரி கார்டு களை பயன்படுத்தவும்.மேலும் வங்கி ரகசிய எண்கள் உள்ளிட்ட அதிமுக்கியமான தகவல்களை மெமரி கார்டில் பதிவு செய்ய வேண்டாம். சில சமயங்களில் போன் தொலைந்துபோனால், அதன் மெமரி கார்டில் உள்ள தகவல்களை அடுத்தவர் எளிதில் எடுத்து துஷ்பிரயோகம் செய்யக்கூடும் என்பதை மனதில் கொள்ளுங்கள்.

சார்ஜ் சேமிப்பு:
டிஸ்பிளேயின் பிரகாசத்தை குறைத்து வையுங்கள். இதன்மூலம், பேட்டரியின் சார்ஜ் சீக்கிரம் காலியாகாது. போன் பேசுவதைவிட எஸ்எம்எஸ் மூலம் தகவல்களை பரிமாறினால்கூட பேட்டரியில் சார்ஜ் சீக்கிரம் இறங்காது. இதேபோன்று, மற்றொன்று முக்கிய விஷயம், தேவையில்லாமல் வைபரேட்டர் மோடை ஆன் செய்ய வேண்டாம். வைபரேட்டர் மோடு பேட்டரி சார்ஜை வேகமாக உறிஞ்சிவிடும்.
 
உஷார்:
குனிந்து நிமிர்த்து வேலைகள் செய்யும் போதோ, அல்லது பீச் உள்ளிட்ட இடங்களுக்கு செல்லும்போது பாக்கெட்டில் மொபைல்போனை போட்டுக்கொண்டு செல்ல வேண்டாம். தண்ணீருக்குள் மொபைல்போன் விழுந்தால், அதன் ஹார்டுவேர்கள் முற்றிலும் பாதிக்கப்பட்டுவிடும் அபாயம் இருக்கிறது.

பேட்டரி:
பேட்டரி பழுதாகிவிட்டால், போலி தயாரிப்புகளை வாங்காமல் விலை கூடுதலாக இருந்தாலும், தரமான மற்றும் அந்தந்த நிறுவனத்தின் ஒரிஜினல் பேட்டரிகளை வாங்குங்கள்.

இந்த அடிப்படை வழிமுறைகளை பயன் படுத்தினால் நம்முடைய மொபைல் போன் நீடித்து உழைக்கும். மேலும் சில வழிமுறைகளை இன்னொரு பதிவில் பார்ப்போம்.

No comments: